Dous mariñeiros caeron nesta madrugada ao mar despois de que o seu barco se accidentase nas inmediacións de Porto do Son (A Coruña), e foron rescatados por un pesqueiro que estaba na zona, informaron a Efe fontes de Emerxencias 112 e do Salvamento Marítimo.
O sinistro ocorreu ás 05.10 horas na zona da Sagrada, onde o barco permanece escorado.
Despois da alerta, o Salvamento Marítimo avisou a Protección Civil de Porto do Son para que comprobase a situación do pesqueiro, que intentan reflotar sen moitas esperanzas porque quedou moi deteriorado.
A esta situación súmase que a costa coruñesa está hoxe en alerta laranxa por mar de fondo, polo que as tarefas se están concentrando en evitar verteduras, agrega o Salvamento Marítimo.
Os dous mariñeiros foron trasladados a Portosín, en Porto do Son, con síntomas de hipotermia de carácter leve.
