O último número en papel do diario 'Xornal de Galicia' chegará este xoves aos quioscos, tras o que continuará a súa edición dixital na web www.xornal.com.
Así comunicou a dirección da empresa aos traballadores este martes, segundo informou o Colexio de Xornalistas de Galicia, que precisou que a dirección argumentou 'razóns económicas', vinculadas á caída dos ingresos por publicidade e na 'falta de apoio' das administracións.
O Colexio de Xornalistas lamentou o peche da edición en papel 'polo que suporá en perda de postos de traballo' e porque 'restrinxe a pluralidade da información que reciben os galegos'.
Deste modo, o Colexio de Xornalistas reiterou que o peche dun medio de comunicación supón unha 'mala noticia' para a profesión xornalística e para a sociedade, 'por canto perde en pluralidade informativa'.
'No caso concreto de Xornal de Galicia pérdese un medio de comunicación que, dende a súa saída o 9 de decembro de 2008, fixo unha aposta decidida pola normalización do uso da lingua galega', reivindicou.
O Colexio de Xornalistas advirte as administracións galegas de que 'deben velar por un espazo informativo plural e por fomentar o uso do galego, como establece o artigo 5 do Estatuto de Autonomía'.
O Colexio de Xornalistas lamentou o peche da edición en papel 'polo que suporá en perda de postos de traballo' e porque 'restrinxe a pluralidade da información que reciben os galegos'.
Deste modo, o Colexio de Xornalistas reiterou que o peche dun medio de comunicación supón unha 'mala noticia' para a profesión xornalística e para a sociedade, 'por canto perde en pluralidade informativa'.
'No caso concreto de Xornal de Galicia pérdese un medio de comunicación que, dende a súa saída o 9 de decembro de 2008, fixo unha aposta decidida pola normalización do uso da lingua galega', reivindicou.
O Colexio de Xornalistas advirte as administracións galegas de que 'deben velar por un espazo informativo plural e por fomentar o uso do galego, como establece o artigo 5 do Estatuto de Autonomía'.
