A postura expresada pola Asociación Cultural O Trasno Musifú encol da habilitación dun local de ensaio para os grupos de música radicados no Carballiño sorprendeu ó voceiro do BNG na Corporación, Manuel Amil. Todo elo porque o colectivo xuvenil citado demanda dos nacionalistas e da Vicepresidencia da Xunta un espazo destinado ás agrupacións de pop e rock existentes na vila, tal e como se comprometeron.
Así, o responsable do grupo municipal do BNG apunta que a Dirección Xeral de Xuventude, que depende da Vicepresidencia, dispón de partidas orzamentarias para levar a cabo traballos de insonorización e dotación da infraestructura necesaria naqueles locais que os concellos poñen á súa disposición como áreas adicadas á ensaios musicais. Neste senso, Manuel Amil lembra que á iniciativa nosa, a Corporación aprobou por unanimidade en marzo do pasado ano facultar ó señor alcalde, Carlos Montes, para iniciar xestións para a procura dun local axeitado, pero dá a impresión de que non deu pasos nesa dirección.
O voceiro nacionalista comenta que se o Concello do Carballiño tivese a ben atopar ese espazo na vila, Vicepresidencia estaría encantada de acondicionalo con cargo ás partidas que ten consignadas para este tipo de actividades. Amil descarta que a Dirección Xeral de Xuventude adquira ou alugue un local para ensaios, tal e como pretenden ós integrantes da asociación O Trasno Musifú, porque iso sería facer unha excepción á normativa de subvencións actual.
O voceiro nacionalista comenta que se o Concello do Carballiño tivese a ben atopar ese espazo na vila, Vicepresidencia estaría encantada de acondicionalo con cargo ás partidas que ten consignadas para este tipo de actividades. Amil descarta que a Dirección Xeral de Xuventude adquira ou alugue un local para ensaios, tal e como pretenden ós integrantes da asociación O Trasno Musifú, porque iso sería facer unha excepción á normativa de subvencións actual.