A Ínsua dos Poetas reivindica a figura de Xosé María Díaz Castro

Os asistentes a Festa da Palabra propuxeron que se lle adique o autor de 'Nimbos' o próximo Día das Letras Galegas

Na Ínsua dos Poetas do Carballiño reivindicouse onte a figura de Xosé María Díaz Castro para que se lle adique o Días das Letras Galegas, coincidindo coa celebración dun acto literario eminentemente poético, no que a lingua galega foi exaltada mediante a palabra dos mesmos convidados. Autoridades e intelectuais dironse a man na cultura e as tradicións e desexaron, tal e como apuntou Xesús Alonso Montero, que 'nos vexamos cando se cumpla o centenario da Ínsua como capital literaria do mundo'.

Marnotes, Gil, Montero, García, Jorreto e Muleiro (Foto: MARTIÑO PINAL)

A persistente choiva causou algunhas molestias na carballeira, onde se inauguraba o acto coa música da Banda do Carballiño e de dous gaiteiros, o mesmo tempo que se descubría o monumento adicado a Xosé María Díaz. Tamén se entregaron os Seteestrelo 2011, que recolleron o Instituto de Estudos Carballiñenses, Arturo González Gil, Arximiro Marnotes Rodríguez, o xornal Galicia Hoxe, Manuel Gallego Jorreto, Antón Lamazares e Xesús Alonso Montero. E, ademais, houbo recital a cargo de Miro Villar, Fina Casalderrey, Luis González Tosar, Víctor Campio Pereira e Salvador GarcíaBodaño.

'Que esta terra siga sendo nosa, que esta lingua siga sendo nosa e que os poetas sigamos sendo os abandeirados da irmandade', sinalaba Luis Tosar, o presidente do Pen Clube. O profesor Luciano Rodríguez facía a continuación a lembranza do poeta homenaxeado polo 50 aniversario da súa única obra publicada 'Nimbos', que calificou de 'breve, local, grande e universal'. O secretario xeral de Política Linguistica, Anxo Lorenzo, reivindicou que 'sigamos empeñados en facer lingua e facer país por riba das nosas diferencias'.

Pola súa banda, o presidente da Diputación, José Luis Baltar, referiuse a preocupación xeneralizada pola crise económica, que non nos pode facer renunciar os valores como 'a lingua, a cultura e a tradición'. Referíndose a Álvaro Cunqueiro, sinalou que 'o futuro é noso, pero somos nós os que o temos que escribir e non deixar que nos lo escriban'.

O conselleiro de Cultura, Roberto Varela, encargouse de clausurar o acto.

Contenido patrocinado