Os grupos da oposición na Corporación carballiñesa consideran que o goberno municipal non ten interese nin vontade en que saia adiante a comisión de investigación sobre a canceira da Medela, á espera dun informe encol da súa validez xurídica.
Os integrantes da recén constituida comisión de investigación sobre a xestión da canceira municipal do Carballiño, ubicada na Medela, están á espera da elaboración dun informe da secretaria do Concello encol da validez xurídica no Regulamento de Funcionamento das Corporacións Locais (ROF).
Namentres, o voceiro popular, Argimiro Marnotes, sinala que iste informe xa tiña que estar feito antes do pleno extraordinaria no que se acordou crear esta comisión, o pasado 26 de marzo. O concelleiro do PP apunta que ou daquela o goberno municipal non o sabía ou iste é un xeito de dilatar no tempo iste proceso.
Pola súa banda, María Jorge de Cabo, representante do BNG, considera que semella que se quere facer ó traxe á medida do morto, xa que aínda que xuridicamente non se contemple a figura da comisión investigadora, o equipo de goberno debería ter a vontade suficiente para aclarar esta cuestión.
A negativa do grupo ecoloxista Outeiro -que xestionou a canceira ata xaneiro de 2008a colaborar con esta comisión pola presenza nela do edil nacionalista Bernardo García foi explicada tamén onte polo seu presidente, Francisco Valeiras. A nós gustaríanos aportar datos, pero este señor é tamén membro de Adega, asociación contra a que presentamos unha querella xudicial, e ó mellor terá que responder ante o xuiz ás preguntas dos nosos avogados.
Ó respecto, Argimiro Marnotes indicou que pode ser entendible a postura de Outeiro, pero tampouco é lóxico que Bernardo García quede fóra da comisión. María Jorge de Cabo sinala que non é de recibo que os antigos xestores da canceira non queiran colaborar por iste motivo.
Namentres, o voceiro popular, Argimiro Marnotes, sinala que iste informe xa tiña que estar feito antes do pleno extraordinaria no que se acordou crear esta comisión, o pasado 26 de marzo. O concelleiro do PP apunta que ou daquela o goberno municipal non o sabía ou iste é un xeito de dilatar no tempo iste proceso.
Pola súa banda, María Jorge de Cabo, representante do BNG, considera que semella que se quere facer ó traxe á medida do morto, xa que aínda que xuridicamente non se contemple a figura da comisión investigadora, o equipo de goberno debería ter a vontade suficiente para aclarar esta cuestión.
A negativa do grupo ecoloxista Outeiro -que xestionou a canceira ata xaneiro de 2008a colaborar con esta comisión pola presenza nela do edil nacionalista Bernardo García foi explicada tamén onte polo seu presidente, Francisco Valeiras. A nós gustaríanos aportar datos, pero este señor é tamén membro de Adega, asociación contra a que presentamos unha querella xudicial, e ó mellor terá que responder ante o xuiz ás preguntas dos nosos avogados.
Ó respecto, Argimiro Marnotes indicou que pode ser entendible a postura de Outeiro, pero tampouco é lóxico que Bernardo García quede fóra da comisión. María Jorge de Cabo sinala que non é de recibo que os antigos xestores da canceira non queiran colaborar por iste motivo.