O sábado 15 de novembro abrirase o telón para Teatro Malasombra coa representación de Non é tan fácil.
O próximo venres, sete de novembro, empeza no Carballiño a séptima edición do Outono Teatral, que nesta ocasión presenta un programa de 10 espectáculos, seleccionados entre aqueles que nestes intres están recibindo as mellores críticas.
A concelleira de Cultura, Inmaculada Ucha, manifestou que conseguimos traer algunhas compañías que levábamos tempo intentando que viñeran o Carballiño.
Deste xeito, o Outono Teatral inaugurase con Produccións A Contrabutaca e a súa obra Robin Hood destinada a un público infantil e familiar. É a primeira compañía profesional galega que actuou no teatro Calderón de Madrid, apuntou Inmaculada Ucha.
Comedia
O sábado 15 de novembro abrirase o telón para Teatro Malasombra coa representación de Non é tan fácil. Se a programación se inaugura con un musical, este segundo espectáculo é unha comedia que recibiu moitos galardóns e que conseguiu un gran éxito de público e crítica.
O venres 21 de novembro estará no Carballiño Teatro Lope de Vigo, con ide todos ó inferno, outra comedia que porá en escea este grupo que actúa por primeira vez na vila do Arenteiro.
A clausura do Outono Teatral corresponderalle a compañía ourensana Sarabela Teatro, o venres 28 de novembro que representará o drama Dame veleno.
Entre tanto, continúa a programación de A Comedia dos Domingos, e a próxima posta en escena está prevista para o día nove de novembro, con Marañao Teatro e O achado do castro.
