Este venres entrou en vigor o Bono Comercio de Nadal con máis de 30 establecementos adheridos a esta campaña.
Este Bono ofrece 10 euros de desconto por cada 30 euros de compra no comercio local de Ribadavia. Desde o Concello quérese con esta medida fomentar as compras no comercio local nunha campaña moi importante para o sector.
Esta axuda ao comercio estará dispoñible desde hoxe e ata final de ano, o 31 de decembro incluído.
Nas vilas e municipios coma o de Ribadavia, o sector do comercio é un sector socioeconómico clave. Ademáis, supón darlle vida á vila en todos os sentidos.
Esta fin de semana o comercio local de Ribadavia abrirá as súas portas e durante os días 18 e 19 de decembro haberá animación na rúa grazas ao convenio entre o Concello e Establecementos Asociados do Ribeiro, con pases de mañá e tarde o día 18 de decembro; 12:00 a 13:30 e 18:00 a 19:30; e o día 19 de mañá de 12.00 a 13:30.
