Os propietarios das adegas Quinta Couselo S.L., da denominación de orixe Rías Baixas, e O Casal, S.A.T., da denominación de orixe Valdeorras, recibirán hoxe os galardóns da cuarta edición dos Bacelos de Prata, que concede a Asociación Álvaro das Casas polo fomento do galego.
O acto desenvolverase a partir das 12.30 horas no pazo dos Ulloa, ubicado na parroquia ribadaviense de Esposende, baixo a coordenación de Avelino Muleiro, presidente da entidade organizadora.
O xurado deste certamen reuniuse o pasado 4 de abril, salientando da adega Quinta Couselo o seu compromiso na aposta de utilización do noso idioma como sinal de identidade que reforza a vinculación coa terra. Ademais, a comisión calificadora valorou que o seu exemplo provoca adhesións ó proceso galeguizador iniciado no sector vinícola e traspasa ese afán de uti lización dos nosos valores culturais á sociedade.
Calidade
Da adega O Casal, o xurado suliñou a súa utilización das castes godello e mencía, así como a aposta persoal na recuperación dunha maneira de cultivo e dun contorno xeográfico que define un determinado lugar de orixe. Tamén considerou que o orgullo dun viño de calidade, en galego, é fundamental para espallar a riqueza da nosa lingua e cultura. Comunicaron a súa presenza ó acto deste mediodía o conselleiro de Educación, Xesús Vázquez; o fiscal xeral de Galicia, Carlos Varela; o xefe superior de Policía, Luis García Mañá; o alcalde de Ribadavia, Marcos Blanco, e o subdelegado do goberno en Ourense, Camilo Ocampo.
O xurado deste certamen reuniuse o pasado 4 de abril, salientando da adega Quinta Couselo o seu compromiso na aposta de utilización do noso idioma como sinal de identidade que reforza a vinculación coa terra. Ademais, a comisión calificadora valorou que o seu exemplo provoca adhesións ó proceso galeguizador iniciado no sector vinícola e traspasa ese afán de uti lización dos nosos valores culturais á sociedade.
Calidade
Da adega O Casal, o xurado suliñou a súa utilización das castes godello e mencía, así como a aposta persoal na recuperación dunha maneira de cultivo e dun contorno xeográfico que define un determinado lugar de orixe. Tamén considerou que o orgullo dun viño de calidade, en galego, é fundamental para espallar a riqueza da nosa lingua e cultura. Comunicaron a súa presenza ó acto deste mediodía o conselleiro de Educación, Xesús Vázquez; o fiscal xeral de Galicia, Carlos Varela; o xefe superior de Policía, Luis García Mañá; o alcalde de Ribadavia, Marcos Blanco, e o subdelegado do goberno en Ourense, Camilo Ocampo.