A Asociación de Escritores en Lingua Galega (AELG), que celebrou este pasado sábado a súa asamblea xeral de socios no Museo do Pobo Galego de Santiago de Compostela, veu resolver a concesión dun dos seus premios á Mostra Internacional de Teatro (MIT) de Ribadavia, segundo lle foi comunicado ó concelleiro de Cultura desta localidade, Anxo Collarte Pérez.
Segundo informou o presidente da AELG, Cesáreo Sánchez, o colectivo de escritores galegos homenaxeará a Mostra Internacional de Teatro polas súas importantes achegas á existencia dun teatro galego, comentou o edil nacionalista e tenente de alcalde da vila ribadaviense. A entrega do premio realizarase o vindeiro 26 de abril na cea das letras que a AELG celebrará en Compostela, e para a MIT de Ribadavia supón suceder na xeira de galardoados pola asociación ó programa Diario cultural da Radio Galega, que inauguraba o listado de recoñecementos no pasado 2007.
Para Anxo Collarte, iste novo recoñecemento á MIT pon en valor o esforzo que Ribadavia ven adicando dende 1973 á cultura e ao teatro galegos, labor continuada dende 1983 pola propia Mostra teatral. O concelleiro de Cultura engade que no eido da creación dramática, dende 2006 o Premio Abrente de textos teatrais en galego continúa o labor que supuxeron á súa vez os premios a textos teatrais que se entregaban en Ribadavia nas mostras de teatro galego dos anos setenta. Collarte asegura que é tamén unha homenaxe a unha xeración de ribadavienses que dende Abrente pularon por este proxecto cultural e en especial á figura que encarna á MIT, o seu director Rubén García.
Para Anxo Collarte, iste novo recoñecemento á MIT pon en valor o esforzo que Ribadavia ven adicando dende 1973 á cultura e ao teatro galegos, labor continuada dende 1983 pola propia Mostra teatral. O concelleiro de Cultura engade que no eido da creación dramática, dende 2006 o Premio Abrente de textos teatrais en galego continúa o labor que supuxeron á súa vez os premios a textos teatrais que se entregaban en Ribadavia nas mostras de teatro galego dos anos setenta. Collarte asegura que é tamén unha homenaxe a unha xeración de ribadavienses que dende Abrente pularon por este proxecto cultural e en especial á figura que encarna á MIT, o seu director Rubén García.
