Frutos Fernández González presentou no Museo Etnoloxico de Ribadavia a segunda edición do seu libro “Nomes do Ribeiro”, nunha versión ampliada. Estivo acompañado por César Llana, director do museo; Rita Abraldes, profesora de galego; Xosé Carballido, enxeñeiro agrícola; e Secundino Lorenzo, profesor do instituto de Ribadavia entre 1968 e 1977. Todos eles coñecedores da obra de Frutos Fernández.
Os participantes neste acto teñen todos relación co Instituto de Ribadavia, así que se aproveitou a ocasión para render unha homenaxe ao centro, que empezaba a funcionar no 1953, precisamente no edificio do Museo Etnolóxico, onde estivo 5 anos ata que se construíu o novo edificio, sendo un dos máis importantes impulsores Gerardo Álvarez, ao que se refería Frutos Fernández, lembrando tamén aos profesores da súa época de estudante, entre eles, Secundino Lorenzo e Xosé Benito Sieiro, ex párroco do Carballiño.
Una vez agotada a primeira edición de “Nomes do Ribeiro”, o autor destacaba desta segunda edición dous apéndices, un dedicado ao estudo dos nomes das castes de uva, cun “significado inexplorado en Galicia, e que non aparecen na documentación anterior ao S-XVIII”, matiza, engadindo que “houbo unha gran relación dos nomes co norte de Portugal porque hai moitos que se repiten”. No outro apéndice presenta o estudo das catro palabras máis características do Ribeiro, que son ”nomes en vías de extinción”, referíndose a cavadura, culeiro, moio e sucalco.
“Non é un libro só de toponimia. O seu interés, a maiores de rebelar o significado dos nomes, está nos contidos históricos. Hai datos que son os que realmente enriquecen o texto”, explica Frutos Fernández.
