Tamén aseguran que "non é comprensible que a piscina municipal se peche a día 31 de agosto, sendo o Concello incapaz de prorrogar a súa apertura"
O grupo municipal de Ribeiro en Común fai unha valoración negativa da actividade municipal na tempada de verán de Ribadavia. Opinan que a oferta municipal de carácter cultural e de lecer foi moi escasa, xa que dende o Concello non se plantexou ningunha actividade cultural nin de lecer para a veciñanza e os visitantes.
Tamén suliñan o aspecto sucio do casco histórico, que precisa dun plan integral de mellora que foi aprobado pola Corporación a instancias dunha proposta feita por Ribeiro en Común. Finalmente, e á espera dunha valoración posterior do programa das festas patronais, o concelleiro Brais Fidalgo considera que "non é comprensible que a piscina municipal se peche a día 31 de agosto, sendo o Concello incapaz de prorrogar a súa apertura", tendo en conta que os rapaces non comezan o curso lectivo até o 12 de setembro.
