Os traballos que desenvolve a Consellería de Medio Rural na aldea modelo de Osmo (Cenlle), destinada á produción de porco celta en ecolóxico, estarán finalizados neste mes de outubro, segundo confirman os responsables autonómicos. Está pendente o peche dunha segunda parcela, despois de rematar coa primeira, ambas destinadas aos animais.
A directora xeral da Axencia Galega de Desenvolvemento Rural (Agader), Inés Santé, acudiu por primeira vez á Comisión 7ª do Parlamento para dar conta dos proxectos de aldeas modelo que hai na Comunidade galega. Así, salientou que a día de hoxe están postas en marcha un total de 44 iniciativas, que se atopan en diferentes etapas ou fases de execución.
Neste senso, salientou que xa están declaradas como aldeas modelo un total de 12 proxectos, sendo o de Osmo o máis avanzado.
