No día de onte comezaron as obras de mellora da rúa principal do Polígono de San Cibrao (rúa Ricardo Martín Esperanza), noticia moi esperada polos empresarios e traballadores deste espazo industrial, que sofren a diario as consecuencias do mal estado da vía. Estes traballos consistirán, fundamentalmente, na renovación do maltratado firme da calzada, e afecatará, os primeiros días, aos primeiros 500 metros do vial principal da principal área industrial de Galicia.
Deste xeito, a Deputación -propietaria da vía- continúa coa mellora desta estrada, como xa fixera no mes de febreiro, cando se reasfaltaron algunhas zonas neste mesmo vial entre a rúa 6 e a fin do parque empresarial. Con todo, houbo usuarios que se queixaron da escasa sinalización da obra, que fixo que moitos deles se atopasen con ela sen ser alertados previamente.
