As máximas estarán entre os 16 graos de Ourense
Galicia permanecerá este mércores influenciada polas altas presións, polo que os ceos permanecerán pouco anubrados ou despexados, especialmente pola tarde, con intervalos de nubes baixas e bancos de néboa que predominarán a primeiras horas da mañá.
Segundo a información de Meteogalicia, os ventos soprarán frouxos do norte, con intervalos de moderado no litoral atlántico. As temperaturas mínimas sufrirán un lixeiro descenso, mentres que as máximas non experimentarán cambios significativos.
Así, por cidades, as mínimas oscilarán entre 1 grao centígrado en Lugo e os 7 graos da Coruña, mentres que as máximas estarán entre os 16 graos de Ourense e os 10 de Lugo.
