O martes o pavillón universitario acollerá unha máster class gratuíta
O vindeiro 10 de febreiro, esto é o martes próximo, o pavillón universitario do Campus de Ourense acollerá unha singular máster class de zumba. A súa particularidade é que se celebra con motivo do Entroido, como xa se fixera anteriormente coincidindo coas festas de Nadal. A cita será dende as 20:00 ás 22:00 horas e pode participar todo o mundo, sexan ou non membros da comunidade universitaria.
Esta gran festa do deporte en Ourense promete ser do máis divertida e recoméndase a todo o mundo acudir disfrazados, se ben non é requisito imprescindible. Os interesados en participar nesta proposta deportiva poderán anotarse ata o mesmo día da actividade, tanto no mesmo pavillón que acolle o evento, como no Complexo Deportivo de AQA Ourense. A actividade é totalmente gratuíta e dende a organización xa están a preparar sorpresas entre os participantes xa que haberán interesantes premios para as dúas mellores parellas.
Dúas monitoras de Aqua serán as encargadas de dirixir esta actividade lúdica e deportiva na que se agarda superar os máis de cen participantes da máster class de Nadal.n
