A celebración na vila terá lugar o sábado co único propósito de atraer a máis asistentes ao tratarse dun día inhábil
O cambio de data e a gran novidade este ano no Entroido que por terceira edición organiza a asociación Os Chocalleiros de Vilardevós, responsable da recuperación desa figura. Será o sábado e non o martes cando teña lugar a celebración na vila, co único propósito de atraer a máis asistentes ao tratarse dun día inhábil. Os cáse que trinta figurantes que está previsto que participen sairán na procura das comparsas e do resto de disfraces cara as catro da tarde polas rúas da aldea. Arredor de dez son os cativos "chocalleiros", garantindo xa así a continuidade da festa.
Dende o campo de fútbol partirá a comitiva completa, abrindo o rei o desfile. Chegarán todos ao cruceiro, onde está previsto que teñan lugar o resto dos actos programados. Alí, ademáis da amenización musical do Dúo Sabrosito, ás 18 horas locirá de novo a rubia, para presenciar a lectura do testamento e a comparecencia, como novidade tamén este ano, duns cantos cabezudos que acompañarán aos bombos e os fachóns na queima do tradicional "meco".
Tocará cear bolos preñados alá polas 20,00 horas, para rematar ca festa do mellor dos xeitos posibles, bebendo queimada logo do seu particular conxuro.