Emprendedores da vila participarán nas xornadas, para contarlle a súa experiencia aos alumnos
Os vindeiros venres, día 4 e marzo, e o luns 7 de marzo, terán lugar no IES García Barbón, de Verín, as 'Xornadas de Información Académica e Orientación para o Emprego', organizadas polo devandito devandito centro docente, coa colaboración do Concello de Verín.
Estas xornadas teñen como obxectivos fundamentais publicitar a oferta formativa de Formación Profesional en Galicia –con fincapé na comarca de Verín- e as súas posibilidades de emprego e dar a coñecer experiencias de emprendemento na comarca de Verín. Así mesmo, tentarán informar sobre os organismos de apoio e asesoramento ao emprego e ao emprendemento e facilitar o asesoramento e o consello de antigos estudantes –universitarios e de formación profesional- no ámbito académico e laboral. As xornadas ofrecerán tamén asesoramento sobre as posibilidades das oposicións como sistema para buscar emprego e entender o papel que ten aaprendizaxe de linguas estranxeiras no futuro profesional.
Nas mesmas estarán presentes membros de organismos asesores en materia laboral e emprendedores da vila para contarlle a súa experiencia ós alumnos.