O PP proporá no pleno a creación de pozas termais nas marxes do Arenteiro

O grupo municipal do PP do Carballiño defenderá no próximo pleno unha moción que insta ao Concello a implicarse no desenvolvemento termal de Carballiño, para o que propón facer unhas pozas nas marxes do río Arenteiro ao seu paso polo municipio, buscando a sua mellor localización.

Reivindicación

Os populares tamén instan a solicitar á Xunta de Galicia o Centro de Termalismo de Galicia para Carballiño e traballar polo desenvolvemento termal, “de gran importancia turística e económica”, sinalan. “A vila do Carballiño é especialmente relevante neste contexto, coa súa riqueza en manantiais termais e o proxecto ‘Ourense Termal’ que promove a sostenibilidade e o posicionamento único da provincia como destino termal”, sinala este grupo da oposición, que critica “a escasa importancia que ten para o Concello e o seu nulo desenvolvemento”.