premio

O santiagués Alberto Ramos acada o premio Vicente Risco

OURENSE. 17.11.2017 Liceo, reunion jurado premio Vicente Risco Foto: Miguel Angel
photo_camera O xurado do premio de creación literaria Vicente Risco, onte no Liceo de Ourense.

A obra gañadora, "A simetría das bestas", levará 6.000 euros e terá unha tirada de 150 exemplares

O Concello de Ourense e a Fundación Vicente Risco decidiron outorgar onte o Premio Risco de creación literaria a Alberto Ramos, pola súa obra "A simetría das bestas". O premio para a obra gañadora é de 6.000 euros en metálico ademais da publicación de 150 exemplares.

O xurado, reunido no Liceo, deliberou entre as dezaseis obras presentadas. Estivo composto por Belén Iglesias Cortés, concelleira de Cultura, que exerceu como presidenta; David González Domínguez (representando á editorial Urco), Benigno Yáñez Pérez (gañador da edición anterior), Constantino Pazos Sobrino e Antonio González Blanco (profesores de Ensino Secundario), ademais de Ánxela Gracián  (escritora e crítica literaria) como vogal e Mónica Fernández Valencia, técnica do Servizo de Normalización Lingüística, actuando coma secretaria.

A obra gañadora da edición deste ano é un libro de corte filosófico, onde, segundo o fallo do xurado,  "concédese un espazo de dignidade aos outros, aos diferentes, aos marxinados". O xurado destaca do autor o "seu simbolismo e moi bo manexo dos recursos narrativos, así como personaxes moi ben construídas".

Te puede interesar