incendios

Os sindicatos reclaman que o helicóptero contra incendios volva ao Barco

A aeronave foi retirada días atrás por Medio Rural para, segundo se informou daquela, realizar obras de mellora na base.

 Os representantes sindicais dos bombeiros forestais da base de O Barco de Valdeorras reclamaron onte o retorno do helicoptero á base contra incendios de Vilanova. A aeronave foi retirada días atrás por Medio Rural para, segundo se informou daquela, realizar obras de mellora na base.

Segundo puxo de manifesto a central sindical CIG, o helicóptero "é un medio aéreo fundamental para obter unha resposta rápida de acción" na loita contra os incendios, "nun entorno como o de Valdeorras, cun territorio abrupto e dificultoso para actuar en moitas ocasións con medios terrestres".

O delegado da CIG Roberto Quiroga afirmaba que a base de Vilanova continúa pechada  e nos últimos días tamén foron retirados os depósitos de combustible que   suministraban ó helicóptero. Explicou que o pasado mércores deuse a circunstancia de que nun incendio que se rexistou en Carballeda, ao lado de O Barco, interviñeron 15 medios aéreos, que non poideron usar a base barquense, "retrasando as tarefas de extinción e aumentando os custes ambientais e económicos.

Te puede interesar