Tanto profesores, familias e alumnos de todos os cursos podedes mandar as vosas reflexións, cartas a un profesor, a un amigo, etcétera, para que nós o fagamos público
Comezou un novo curso e con el o Xornal Escolar. Unha edición máis recolleremos todas as actividades que fagades no centro, as visitas culturais e excursións e todos os concursos e actividades nas que participedes. É moi sinxelo, soamente tendes que enviar as fotos que vos gustaría que se publiquen a [email protected] co nome do voso centro, o curso dos escolares que participan e unha breve reseña do que é a actividade. Vós e o voso centro seredes protagonistas tantas veces como queirades.
No Xornal Escolar tamén queremos coñecer a vosa faceta máis artítica. Ós que vos guste debuxar soamente tendes que mandar os vosos debuxos, cunha foto do artista, nome, apelido, idade e centro de ensino ao que pertenzades. É moi sinxelo e o voso primeiro paso á fama xa corre da nosa conta.
Se o que preferides é escribir, tamén contamos cun oco para vós. Tanto profesores, familias e alumnos de todos os cursos podedes mandar as vosas reflexións, cartas a un profesor, a un amigo, etcétera, para que nós o fagamos público. Xunto ao texto mándanos unha foto túa co teu nome, apelido e centro de ensino no que estudies ou traballes. Tamén temos un apartado de fotos para felicitacións e selfies, donde vos sodes os protagonistas.
O Xornal Escolar somos todos e entre todos, tanto xornalistas coma profesores e alumnos podemos facer que este suplemento siga sendo un referente para toda a comunidade escolar.
Esperamos os vosos traballos e as mellores fotos para compartir todos os mércores no suplemento educativo, Xornal Escolar, de La Región. Non o deixes, participa!
