Telemiño emociona en Ramirás

O CEIP Rogelio García Yáñez é un pequeno colexio rural donde son unha gran familia, mestres e alumnos traballan conxuntamente nunha ampla variedade de actividades ao longo do curso escolar. Acaban de publicar o Xornal Escolar elaborado polos alumnos de 4º e 5º de Primaria, coa supervisión da súa mestra Cristina Fernández. É un colexio moi dinámico, onde destaca a gran biblioteca escolar coa que contan e a Festa do Samaín. A mascota da biblioteca é un rato que recibe a todos os alumnos e visitantes na entrada do centro educativo, neste momento está vestido de científico para conmemorar o Ano da Ciencia. Tamén temos que mencionar ao esqueleto Rober, co que diariamente comparten aprendizaxe na aula.

Félix, Carmen e Cristopher exerceron de co-presentadores do programa Xornal Escolar, xunto a Conchi Pérez, encargada de dirixir este exitoso espazo televisivo. A entrevistada foi a mencionada mestra Cristina Fernández Borrajo, profesora de inglés no centro de Ramirás. A docente demostrou ser moi divertida e superou con éxito todas as probas ás que a someteron os seus alumnos. Días antes, as cámaras de Telemiño acompañaron aos alumnos e compartiron agradables momentos mentras lles ensinaban o centro educativo.