O presidente do Goberno foi á Catedral de Santiago de Compostela a entregar o Código Calixtino, que fora sustraído. É unha acción que o honra, dado que constitúe unha especie de guía para os peregrinos na súa viaxe a Santiago de Compostela, con consellos, descricións da ruta e das obras de arte, así como dos costumes locais das xentes que vivían ao longo do Camiño. Tamén contén sermóns, milagres e textos litúrxicos relacionados co Apóstolo Santiago.
O da guía suxíreme, espero que con axuda do Apóstolo Santiago, que Rajoy e o seu equipo de ministros configuren un novo códice que constitúa unha guía para que os parados, funcionarios, pensionistas e tantos outros aos que cada día lles reducen os seus ingresos consigan vivir dignamente.
Como non creo nos milagres, espero que os sermóns e anuncios nos axuden a entender a onde nos queren levar. É curioso que Rajoy anuncie un convenio, con motivo da entrega do Códice para velar polo patrimonio artístico? Nós temos, con guía ou sen ela, que velar, agora, por manter intacto o noso recente patrimonio, o Estado do Benestar.
P.D. -'O proxecto europeo é un espello no que se miran homes e mulleres que anhelan a liberdade' (N.F.). O espello da madrasta de Branca Neves sempre lle dicía que si, ata que un día lle dixo non. Hai outra máis guapa ca ti.
Como non creo nos milagres, espero que os sermóns e anuncios nos axuden a entender a onde nos queren levar. É curioso que Rajoy anuncie un convenio, con motivo da entrega do Códice para velar polo patrimonio artístico? Nós temos, con guía ou sen ela, que velar, agora, por manter intacto o noso recente patrimonio, o Estado do Benestar.
P.D. -'O proxecto europeo é un espello no que se miran homes e mulleres que anhelan a liberdade' (N.F.). O espello da madrasta de Branca Neves sempre lle dicía que si, ata que un día lle dixo non. Hai outra máis guapa ca ti.
