A Granxa Casa de Baixo, en Hermida, logrou a máxima puntuación que significa un récord estatal
A granxa Casa de Baixo, situada no lugar de Hermida, no municipio lucense de Sarria, conseguiu unha puntuación de 88,1 pola morfoloxía das súas vacas de leite na cualificación anual que fai Africor, unha cifra que "é un récord estatal" e que converte a esta explotación "nunha referencia mundial".
O director executivo de Africor Lugo, Ramiro Fouz, explicou que se trata dalgo "totalmente excepcional".
Africor, que agrupa ás 1.700 granxas lucenses inscritas no programa de Control Leiteiro, tamén destacou na cualificación para outorgar os seus premios anuais á granxa Proiga, situada no lugar de Álvare, na Pastoriza.
