Un paciente iniciou este luns unha folga de fame no Complexo Hospitalario Universitario Santiago (CHUS) tras recibir a alta médica e afirma que non sairá do centro 'sen orde xudicial'.
Segundo explicou o paciente Servando Pérez Domínguez, a súa intención é permanecer no cuarto 314 do Hospital Clínico, no que foi ingresado días atrás, sen comer ata que 'un xuíz tome nota e interveña', malia ser dado de alta o pasado 20 de xullo.
Servando Pérez comentou que foi 'diagnosticado en 2005, pero non tratado' dunha enfermidade, segundo afirmou, provocada por 'empastes dentais' que lle causaron, segundo el, 'unha intoxicación por mercurio'.
Non obstante, fontes do hospital compostelano resaltaron que lle deron un 'amplo informe de alta' tras ser 'diagnosticado e tratado' no centro, polo que o Hospital Clínico recorreu ao xulgado para que Servando Pérez abandone o cuarto. 'Desexo que un xuíz tome nota disto e interveña', expuxo o home, ao tempo que alegou que 'nunca' tivo 'un problema psiquiátrico', como consta nun informe médico. Servando Pérez, de 42 anos, insistiu en que a súa intención é permanecer en folga de fame, que iniciou pasadas as 15.20 horas do luns.
Servando Pérez comentou que foi 'diagnosticado en 2005, pero non tratado' dunha enfermidade, segundo afirmou, provocada por 'empastes dentais' que lle causaron, segundo el, 'unha intoxicación por mercurio'.
Non obstante, fontes do hospital compostelano resaltaron que lle deron un 'amplo informe de alta' tras ser 'diagnosticado e tratado' no centro, polo que o Hospital Clínico recorreu ao xulgado para que Servando Pérez abandone o cuarto. 'Desexo que un xuíz tome nota disto e interveña', expuxo o home, ao tempo que alegou que 'nunca' tivo 'un problema psiquiátrico', como consta nun informe médico. Servando Pérez, de 42 anos, insistiu en que a súa intención é permanecer en folga de fame, que iniciou pasadas as 15.20 horas do luns.
