A Consellería de Infraestruturas e Mobilidade iniciou as obras de acondicionamento dunha nova senda peonil no termo de Albarellos de Monterrei que proporcionará uns desprazamentos a pé moito máis seguros para os veciños. Esta actuación, cun investimento de máis de 180.000 euros, terá un prazo de execución de seis meses.
Por outra banda, e tal e como matizaron dende o Goberno autonómico, o novo itinerario desenvolverase na estrada autonómica OU-143, cuxo trazado coincide co discorrer da Vía da Prata no tramo comprendido entre os puntos quilométricos 1,460 e 1,800.
A senda comprenderá as dúas marxes da estrada, terá 340 metros de lonxitude e un ancho mínimo de 1,9 metros. Executarase un pavimento de 15 centímetros, cor gris natural e elevado 10 centímetros sobre a calzada, que inclúe zonas rebaixadas para facilitar as entradas de vehículos.
Tamén se acometerán dúas paradas de autobús e se instalará unha marquesiña co obxectivo de mellorar as condicións de acceso ao transporte público.
