Un total de 24 veciños de Boborás participaron nos pasados seis meses nun taller de formación laboral en tres áreas diferentes.
Na primeira delas, adicada á axuda a domicilio, ademais de aprender o procedemento para o tratamento das persoas que necesitan de asistencia, tamén coñeceron os casos particulares de primeira man. Así, as oito alumnas deste módulo fixeron prácticas acompañadas das auxiliares titulares que traballan a diario no Concello. No eido da restauración, abriuse unha nova ruta de sendeirismo entre as localidades de Pazos de Arenteiro e Albarellos. En albanelería, rehabilitouse un edificio na aldea de Xendive, que se destinará a local social.