O portavoz do BNG, Anxo Collarte, afirma que todos os grandes proxectos de Ribadavia están parados: parque empresarial, centro de saúde, PXOM e acondicionamento das beiras do Avia.
'A crise económica non pode ser excusa en casos flagrantes coma o do PXOM que se trata dun documento fundamental para a xestión urbanística e no que o problema é a falta de xestión e non os cartos', sinala o concelleiro, engadindo que 'por todo elo, o obxectivo de lexislatura fixado polo alcalde na súa investidura, o emprego, só presenta indicadores negativos. Hai menos emprego no parque empresarial e pechouse o viveiro municipal de emprego'. Collarte cree que o grupo de gobierno está 'inmerso na autocomplacencia e optou por iniciar a lexislatura cun goberno en minoría. Centrado nos obxectivos de partido, o único que conseguiu con esta decisión foi debilitar dentro e fora de Ribadavia ó grupo de goberno. Non só se viu reducido o grupo de oito a seis membros, un deles, con adicación exclusiva, foi nomeado portavoz na Deputación, restándolle aínda máis tempo de adicación ás tarefas de goberno'. Collarte asegura que o BNG seguirá colaborando nos asuntos de interese para o pobo.
