En Ribeiro, Rías Baixas e Ribeira Sacra rematarán en outubro, e Monterrei e Valdeorras agardan ter acabado a finais de setembro.
Durante a vendima deste 2015 nas cinco denominacións de orixe de Galicia (Monterrei, Rías Baixas, Ribeira Sacra, Ribeiro e Valdeorras) constátase un incremento do 20,85% na cantidade total de uva recollida con respecto á vendima de 2014. Deste xeito, para este ano a previsión da colleita é de 63 millóns de quilos de uva, fronte aos 49,8 millóns da campaña de 2014. A Consellería de Medio Rural e do Mar califica a colleita de excelente, de acordo coas previsións feitas polos propios consellos reguladores, tanto desde o punto de vista da cantidade como da calidade. Por denominacións de orixe, o maior incremento previsto con relación ao ano pasado rexístrase na de Rías Baixas, cun 27,82%. Séguenlle a D.O. Monterrei, cun 19,4% de aumento e moi preto desta cifra está o Ribeiro cun incremento do 19,3%.
A positiva evolución rexistrada en relación coa última tempada ven confirmar a tendencia dos últimos dez anos. Así, a vendima de 2015 será a segunda mellor do período, só superada pola de 2006, na que se recolleron algo máis de 64 millóns de quilos nas denominacións de orixe de Galicia. En Ribeiro, Rías Baixas e Ribeira Sacra rematarán en outubro, e Monterrei e Valdeorras agardan ter acabado a finais de setembro.
