Un incendio forestal declarado sobre as 14.40 horas deste mércores no concello ourensano de O Irixo permanece activo tras queimar en torno a unhas 20 hectáreas de superficie, segundo as estimacións que apunta a Consellería de Medio Rural.
O lume iniciouse na parroquia de Reádigos e nos traballos para tratar de controlalo participan un técnico, dous axentes forestais, nove brigadas, tres motobombas, tres helicóptero e catro avións.
Este incendio prodúcese nunha xornada na que o ascenso das temperaturas é xeneralizado en toda a comunidade. A estas condicións súmanselle as de vento, que sopran de compoñente este.