O número dous na candidatura socialista ao Congreso por Ourense, Alberto Fidalgo, solicitou ao Ministerio de Fomento que no estudio informativo e posterior redacción do proxecto da autovía Pontevedra-Ponteareas se teña en conta a construción dun enlace co aeroporto de Peinador (Vigo), para un acceso máis rápido dende Ourense.
Fidalgo asegurou que o dinamismo de Vigo e Pontevedra, a súa costa, ós seus portos e aeroportos son un elemento de especial interese para os ourensanos, así como un polo de relación estratéxico para toda a provincia, polo que é necesaria unha mellora constante das comunicacións e das infraestruturas.
Neste senso, recordou a importancia da chegada do tren de Alta Velocidade (AVE) e do tramo aberto recentemente Acceso Centro a Ourense dende a autovía A-52, da que asegurou é unha obra cunha inversión de 30 millóns de euros que ten que rentabilizarse en beneficio dos cidadáns. Asimesmo, criticou que foi o Partido Popular, cando gobernaba no Concello de Ourense, o que decidiu hai dez anos o actual trazado do Acceso Centro e tivo tempo para planificar os fluxos de tráfico na cidade pero non o fixo, polo que agora o novo Goberno municipal ten que corrixir a falta de previsión.
Por último, recordou que coas grandes infraestruturas se pretende mellorar a calidade de vida dos cidadáns.
Neste senso, recordou a importancia da chegada do tren de Alta Velocidade (AVE) e do tramo aberto recentemente Acceso Centro a Ourense dende a autovía A-52, da que asegurou é unha obra cunha inversión de 30 millóns de euros que ten que rentabilizarse en beneficio dos cidadáns. Asimesmo, criticou que foi o Partido Popular, cando gobernaba no Concello de Ourense, o que decidiu hai dez anos o actual trazado do Acceso Centro e tivo tempo para planificar os fluxos de tráfico na cidade pero non o fixo, polo que agora o novo Goberno municipal ten que corrixir a falta de previsión.
Por último, recordou que coas grandes infraestruturas se pretende mellorar a calidade de vida dos cidadáns.