Os feitos ocorreron hoxe ás 11.40 horas, cando o mozo, de 21 anos, que estaba a realizar traballos nun nicho do cemiterio perdeu o equilibrio.
Un operario resultou neste xoves ferido de consideración despois de se precipitar nesta mañá dunha altura cando realizaba traballos no cemiterio de Olelas, na localidade ourensá de Entrimo, informou o 112.
Os feitos ocorreron hoxe ás 11.40 horas, cando o mozo, de 21 anos, que estaba a realizar traballos nun nicho do cemiterio caeu, segundo explicaron á Efe fontes municipais.
Ao lugar, trasladáronse efectivos da Garda Civil, do GES de Lobios e da Protección Civil de Entrimo.
Alén diso, desprazouse o helicóptero medicalizado con base en Ourense, que procedeu ao traslado do traballador, "en estado consciente", segundo o consistorio, ao Complexo Hospitalario Universitario de Ourense.
