No corazón da noite tódolos animais descansan acazapados nos niños,. Aínda resoan no ar os ecos do espanto, os lamentos baldíos que estremeceron a todos.
Fai pouco que o máis forte recolleu a coroa de espiñas que anuncia o seu reinado. Na frondosidade da foresta a escuridade relame as feridas que tinguiron de sangue uns corpos orgullosos. Non hai lamentos, nin rancor, nin odio. O cheiro das feridas segue a ser nauseabundo, o sangue derramado avanza caudaloso no río da memoria colectiva. Xamais despois da batalla os vivos sentiron compaixón polos mortos. Seguen a representar o papel encomendado coa mesma enteireza e entusiasmo que ao principio dos tempos. Con toda seguridade a batalla de mañá volverá a ser cruenta.
Choque de Pigargos, de Antoni Kasprzak. En Fotógrafos da natureza, Centro Social Caixanova, até o 13 de decembro.
Choque de Pigargos, de Antoni Kasprzak. En Fotógrafos da natureza, Centro Social Caixanova, até o 13 de decembro.