Manuel Baltar, presidente do PP de Ourense, mantivo o sábado en Vilar de Santos unha xuntanza coa militancia popular para abordar a situación política nese concello. 'O PP presentará unha candidatura potente en Vilar de Santos, cun programa electoral para cumprir e afastarse do fume e propaganda destas décadas de goberno nacionalista' sinalou Manuel Baltar, quen agradeceu o traballo dos afiliados populares nese concello. Dixo Baltar que o proxecto político nacionalista está 'debilitado, desnortado e fracasado' tralo seu paso nefasto polo executivo autonómico, e cunha perda constante de apoios.
Na xuntanza o concelleiro popular Roberto Carlos Gómez Nogueiras explicou a necesidade de ilusionar ao electorado cunha nova forma de facer política 'que abra as portas do concello para que corra o aire e que Vilar de Santos non siga sendo o reino da intransixencia como ata o de agora'.
