Os datos analizados amosaron unha tendencia a baixa ata outubro de 2016
Representantes das diferentes Forzas e Corpos de Seguridade e Policía Local, xunto subdelegado do Goberno en Ourense, Roberto Castro García, e o alcalde de Barbadás, Xosé Carlos Valcárcel, abordaron os datos de criminalidade no Concello de Barbadás cunha tendencia á baixa.
As estadísticas amosan unha tendencia descendente dende xaneiro a outubro de 2016 das infraccións penais. Además tamén se analizaron as faltas leves e o aumento das denuncias por infraccións administrativas e as infraccións penais sen delito contra a seguridade vial.
Declaracións
O subdelegado do Goberno, Roberto Castro, incidiu no traballo de coordinación entre as Forzas e Corpos de Seguridade e a Policía Local como “unha das claves da significativa baixada nos rexistros de delitos cometidos neste concello que está a medrar poboacionalmente de xeito considerable”.
Roberto Castro amosou a súa satisfacción polos resultados estatísticos en materia de actividade delictiva en todas as grandes vilas da provincia e significou o aumento da eficacia na resolución dos casos “ o que demostra o gran traballo, nunca esquecido, que desenvolven as Forzas e Corpos de Seguridade a prol do benestar da cidadanía”.