Un dos momentos máis emocionantes para os cativos foi a chegada ao colexio de Papa Noël e dos Reis Magos de Oriente
Os centros de ensino de toda a provincia vestíronse de gala para acoller por todo o alto a chegada do Nadal. Nenos e nenas de Infantil e Primaria compartiron múltiples actividades nos seus respectivos centros de ensino.
O primeiro foi decorar as instalacións do colexio, moitos deles con traballos elaborados por eles mesmos. Deste xeito non faltaron as árbores, o nacemento e múltiples murais que enchen estes días de colorido cada rincón dos centros de ensino. O colofón a estes días viviuse nos festivais de Nadal que celebraron, onde non faltaron panxoliñas, representacións teatrais e musicais e recitado de poesías adicadas a estes días de festa. Os pais do alumnado tamén participaron en moitas das actividades organizadas e en algúns centros tamén compartiron festa en forma de merenda.
Como todos os anos, un dos momentos máis emocionantes para os cativos foi a chegada ao colexio de Papa Noël e dos Reis Magos de Oriente, todos acudiron cargados de agasallos para os máis pequenos. Agora comezan unhas semanas de vacacións cheas de momentos únicos para todos os escolares da provincia.
