Achego solicitude de impotencia ante as novas en referencia á economía do noso país. Estou farto, canso e deprimido de escoitar, de ver e de ler sobre a paupérrima situación na que nos atopamos. É que hoxe mesmo, nin o acontecemento da Eurocopa é quen de botar abaixo á prima de risco, a Bankia, a Merkel, a Rajoy, aos banqueiros, aos ladróns, aos impostos, ás baixadas de soldos e, faltaría máis, aos tiros ao branco sobre os funcionarios. Adoito escoitar as novas de Radio Nacional, pero últimamente tan só aguanto os titulares. Logo destes, e vendo que se inicia o desenvolvemento dos mesmos que versan sobre a economía, zas, pégolle un empurrón á fita de música para introducila no casete. A música alégrame a vida.
