O PSOE do Irixo propón a compra 
de casas rectorais

O portavoz do grupo municipal socialista do Irixo, Iago Fariñas Valiña, presentou unha moción instando ao Concello á adquisición para a súa conservación e posta en valor das casas reitorais abandonadas. O concelleiro considera que é "unha obriga moral non deixar que se perda o patrimonio deste concello, senón arranxalo, conservalo e destinalo para uso e desfrute dos veciños ou dotar, nesas instalacións, outros servizos". Nese sentido, solicita que se inicien as negociacións coas autoridades eclesiásticas e se poña en marcha un obradoiro para destinalas a vivendas de turismo rural, albergues, centros culturais, dotacionais ou municipais.