Unha campaña fomenta o uso do galego no comercio ourensán

"Nós atendemos en galego" é o lema baixo o que se leva a cabo a campaña de normalización lingüística de fomento do emprego do galego nos establecimientos comerciais presentada onte pola Concellería de Cultura.

A concelleira Ana Garrido, acompañada por Paulino Peña, do colectivo Auria, e por Mónica Fernández, técnica do Concello, calificou a campaña de "necesaria e preciosa" e engadiu que "a estamos facendo con moito agarimo, xa que os estudantes de dez centros educativos da cidade participan nela como axentes dinamizadores".

Lembrou que "os últimos datos non son bos para o galego, xa que contabilizan unha notable perda de falantes en Ourense" e sinalou que " a lingua non é so unha riqueza, senón que debemos sentirnos orgullosos dela".

A campaña iniciouse en decembro e rematará en xaneiro, e según explicou Mónica Fernández, "é un traballo coordinado con Auria feito nos centros educativos. A campaña está dirixida ao comercio local, con alumnos como axentes normalizadores ".

O obxetivo é concienciar aos comerciantes das ventaxas de ter a publicidade en galego e atender aos clientes na mesma lingua. Repartiranse mil pegatinas co lema "Nós atendemos en galego", un guiño á xeración intelectual ourensá e un folleto explicativo desas vantaxes.

Ademáis os estudantes farán unha enquisa aos responsables do establecemento para coñecer as necesidades e os obstáculos que atopan.