O OUFF convirte aos creadores nos verdadeiros protagonistas do cine

Por cuestións laborais Belén e Juan movían se a cabnalo entre Barcelona e A Coruña, un traxecto que feito en coche permitíalles sair no memso intre no que o sol asomaba polo horizonte e chegar ao seu destino en pleno ocaso. Contemplar como o astro rei ía avanzando ao mesmo tempo que eles foi o que os levou a por en marcha un novo proxecto.

Emborronaron folios, probaron e acertaron. Decidiron grabar en vídeo toda a traxectoria dende o coche, ao mesmo tempo que ían fotografiando o percorrido. Aquelo convertiuse nun particular diario de viaxe, un vídeo final resultante da animación desa ruta, cuxo punto de salida foi Cabo de Creus e a chegada Fisterra, un traballo final que se concretou en 5 minutos.

AS CONCLUSIÓNS

A esa primeira proposta sumóuselle un segundo percorrido, tamén pola península, pero este comeza na localidade de Sagres, no sur de Portugal e remata en Estaca de Bares. O obxectivo, o mesmo, seguir ao sol no seu movemento según vai transcurrindo a viaxe.

Na rede , que é o destino final deste traballo, a iniciativa vaise enriquecer cun mapa que permitirá ao espectador ubicar en cada segundo o lugar exacto no que se atopa, e ademáis poderá ver as fotografías que se tomaron nese lugar, durante a viaxe. A intención é que asemade poda colgar as súas propias imaxes.

'Península X - Y' non é máis que a procura de novas funcións para o vídeo, a partir da contextualización das imaxes ofrécese unha nova propuesta.

OS PRECEDENTES

Cando comezaron no mundo do audiovisual, Juan e Belén tiñan moi claro que non querían facer nin longas nin narrativa.

Entraron entón no campo dos videoclips e da creación artística. A falta de financiación, os problemas que tiñan para acadar cartos e sobre todo as complicacións cos dereitos de autor levounos a buscar un xeito distinto para abordar esa parcela.

Así crearon 'Iconoscopio', un videoblog no que unen o vídeo tradicional e a rede, na procura de novas canles e formas, aproveitando as infinitas oportunidades que ofrece internet. O que eles propoñen agora é un espacio no que calquera músico, dende calquera parte do mundo, lles pode enviar unha canción para que eles lle fagan un vídeo.

Entre os seus 'clientes' o músico ourensán Emilio José, que nestes momentos está a revolucionar o mundo da música indie, pero tamén varios grupos de México.

A liberdade creativa é total. 'Inconoscopio' terminou por transformarse nun incrible laboratorio de ideas, no que os dous creadores estanse vendo forzados a facer tal cantidade de traballos, que destes xurden novas ocurrencias que despois poden materializarse.