PHOTOCALL

Apicultores por un día

Dende hai xa unhas semanas, os nenos e nenas de Infantil do CEIP Castrelo do Val están levando a cabo un proxecto de investigación sobre as abellas

David amosoulle aos escolares todos os materiais que se empregan en apicultura.
David amosoulle aos escolares todos os materiais que se empregan en apicultura.
Apicultores por un día

Dende hai xa unhas semanas, os nenos e nenas de Infantil (3, 4 e 5 anos) do CEIP Castrelo do Val están levando a cabo un proxecto de investigación sobre as abellas. Durante este tempo aprenderon a diferenciar os tipos de abellas que hai nunha colmea, a súa alimentación, como se organizan para traballar, que producen, as fases do seu ciclo vital e moitas aspectos interesantes da súa vida.

Para complementar estas aprendizaxes, David de "Abella Obreira" visitou o centro de ensino para explicarlle aos escolares e mestres que se sumaron a esta actividade didáctica, como é o traballo diario dun apicultor. Para elo o convidado acudiu con boa parte do material que utiliza nesta actividade para que os nenos puideran velo e manipulalo.

Despois de moitos días de aprendizaxe, os pequenos puideron ver en vivo un panal e buscar nel a abella raíña, os zánganos, as obreiras, as larvas, o mel e o traballo que realiza cada unha dentro da colmea.

Ademais e para rematar a xornada adicada á apicultura, degustaron: polen, mel, mousse de mel...Por estar moi atentos e participativos David obsequióunos cuns xabóns feitos con mel. Foi unha experiencia fantástica.