Veciños de A Bola benefícianse do programa Termalismo contra a soidade non desexada

O Concello de A Bola participa de novo no Programa de Deputación de Ourense Termalismo contra a soidade non desexada a través dos servizos sociais municipais.

O Programa de Termalismo contra a soidade non desexada, permítelles ás persoas que participen nel acceder tódalas semanas a un balneario para recibir terapias que se recibirán en grupos durante un período de 6 meses.

O Programa inclúe o acceso a servizos termais, que se complementan con actividades grupais de diferente natureza, que unifiquen a experiencia social cos beneficios da auga mineromedicinal.

O grupo de persoas participantes do Concello de A Bola, iniciouse o pasado luns día 21 de abril, e durante os vindeiros seis meses, desprazaranse ao Balneario Oca Vila de Allariz. Este colectivo atópase en situación de soidade non desexada, e en moitas ocasións levan parellas patoloxías que limitan o seu desempeño das Actividades Básicas da Vida Diaria.

Esta actividade iniciouse o pasado ano con un grupo de persoas usuarias que tiveron preferencia para repetir a actividade durante este ano. A acollida está sendo moi boa e transmítennos unha gran satisfacción co mesmo. Máis alá das propias terapias termais recibidas, tamén é un momento de convivencia e socialización no grupo, fomentando a súa participación social e combatendo a soidade non desexada.

O Concello de A Bola pon a disposición das persoas participantes o vehículo municipal adaptado para facer o traslado dende os seus domicilios ao Balneario.

Na actualidade, quedan prazas dispoñibles para poder desfrutar da actividade.