O centro O Viso promove o sector do audiovisual

O Centro de desenvolvemento rural O Viso participará no proxecto europeo denominado RedThink, unha iniciativa que pretende dar voz á comarca da Limia a través de obradoiros prácticos da man de xornalistas e profesionais dos medios de comunicación. As sesións presenciais terán lugar no CDR O Viso, en Lodoselo, nos meses de abril, maio e xuño.

O proxecto desenvólvese á vez en Italia, Francia, Portugal e Galicia. Está dirixido á persoas menores de 30 anos que se van xuntar en cada un destes lugares para facer unha curtametraxe sobre os problemas ou dificultades que atopan na súa comarca. A actividade está coordinada polo CDR O Viso e a Asociación Galega de Reporteiros Solidarios (AGARESO) e é gratuita. Para anotarse hai que chamar ó 988 461 571 ou no correo electrónico cixdelimia@cdroviso.org. Ó remate do proxecto, en, terá lugar un encontro internacional en Portugal e os participantes recibirán un diploma.