O concello de Sandiás acolle o obradoiro sobre o cambio climático

O pasado mércores, 17 de xullo, levouse a cabo a cuarta sesión do Programa Rosalía 2024 co título “Ven a esta Escola de Calor”. O concello de Sandiás quixo agradecer aos inscritos na cuarta sesión do Programa Rosalía 2024. Foi un obradoiro participativo onde se intercambiaron experiencias sobre obxectivos e metas do desenvolvemento sostible, do caso concreto do cambio climático lento pero progresivo que está a ocorrer e o impacto do mesmo sobre as nosas vidas.

Tamén se falou sobre como actuar nas ondas de calor, efectos dos cambios demográficos no sector primario e na vida da xente e do gran desafío que plantexa o despoboamento nas aldeas rurais.

Tamén en Xunqueira de Ambía, Rairiz de Veiga e Vilar de Barrio

O Programa Rosalia desenvólvese nos concellos de Sandiás, Xunqueira de Ambía, Rairiz de Veiga e Vilar de Barrio.

Os cursos inclúen un total de 100 horas de atención laboral, así como xurídica e psicolóxica, e diríxense a todas as mulleres co obxectivo de fomentar as súas habilidades laborais e persoais, ademais das súas capacidades profesionais e autoestima.

Nesta edición, por primeira vez, ofrecese unha escola de benestar e cursos de empoderamento, ademais de formación específica para a planificación económica de cara a xubilación, entre outras iniciativas.