Limpia nas cunetas de estradas secundarias de vilas de Sandiás

Dende o mes de maio ten actuado o tractor desbrozadora do Concello de Sandiás, realizando desbroces preventivos de cunetas de estradas secundarias próximas e afastadas dos núcleos de poboación.

Ten actuado neste mes nas zonas de Vilariño das Poldras e arredores, na zona da aldea de Arcos, Cardeita, Lavandeira, As Pegas, O Tesiño, área ao redor da Torre do Castro, ao carón da Igrexa de Santo Estevo e a zona da depuradora de Sandiás.

A maiores, na estrada en dirección a aldea de A Fontela, dende a aldea de Cardeita ata o Canal da Lagoa, Santa Ana, área dende o Novaiño ata aldea da Ladeira, estrada dende a aldea de Piñeira de Arcos ata a aldea da Corga, estrada da Corga a Bustelo, tres entradas na aldea de Zadagós, da Chousela a Zadagós, Fonte do Forno en Couso, camiños aos depósitos de Piñeira de Arcos e Novaíño.

Nestos días continuouse co resto das zonas pendentes de limpeza, na contorna das casas e das áreas de biomasa da contorna das aldeas.

Contorna das vivendas

Respecto a limpeza na contorna das vivendas compre lembrar que a Lei 3/2007 do 9 de abril de prevención e defensa contra incendios forestais de Galicia, establece faixas e perímetros de protección de 50 metros. A Lei de Incendios obriga aos propietarios á limpeza de terreos e fincas comprendidas neste perímetro de 50 metros desde edificacións e vivendas.

O prazo de realización das limpezas estendeuse ata o 31 de maio. Polo tanto, o Concello de Sandiás recorda e anima a veciñanza a obriga legal da limpeza das fincas e terreos, e cumprir coas medidas de prevención de incendios.

O Concello de Sandiás explicou que compre seguir crecendo en sensibilidade na limpeza e roza das áreas de biomasa da contorna dos núcleos de poboación tanto nas parroquias non priorizadas como na priorizada, en Santo Estevo.