Locais e vivendas baleiras de Xinzo non terán que pagar o lixo

A ordenanza municipal de recollida de lixo será modificada esta tarde nun pleno extraordinario que se celebrará en Xinzo de Limia. Un dos aspectos novedosos da mesma é que as vivendas e locais baleiros da vila xa non terán que abordar o pagamento desta taxa. A medida chega logo dunha petición do grupo socialista para trocar esta normativa por considerar "inxusto" que algunhas persoas tivesen que pagar por un servizo que non empregaban.

Os socialistas presentaron unha moción para modificar a ordenanza pois din que era "unha demanda da veciñanza".