Reparto en Xinzo e Verín de 4.400 detectores de fume

O director xeral de Emerxencias e Interior, Luis Menor, fixo entrega de 4.425 detectores de fume para uso doméstico nas comarcas de Xinzo de Limia e de Verín, co obxectivo de reforzar a seguridade de persoas en situación de vulnerabilidade. Trátase dunha medida comprendida no proxecto Airem 112, enmarcado no Programa Operativo de Cooperación Transfronteriza España e Portugal, que ten como obxectivo o establecemento dun mecanismo de colaboración entre os servizos de xestión e mobilización de recursos ante emerxencias nas zonas implicadas mediante a implantación de ferramentas comúns.

Poderán beneficiarse desta medida 2.358 fogares da comarca de A Limia e 2.067 da de Verín. O criterio de reparto será responsabilidade dos propios traballadores dos parques de bombeiros. Segundo explicou o director xeral de Emerxencias, o dispositivo está destinado, principalmente, a "persoas maiores de 65 anos, con problemas de mobilidade, que viven soas ou persoas con discapacidade psíquica ou física".