Sandiás abrirá ao público o Pazo do Telleyro de Couso

Dentro da programación cultural elaborada dende o Concello de Sandiás para este verán celebrarase, o vindeiro 18 de xullo, un programa de catro visitas guiadas ao Pazo do Telleyro, ubicado en Couso de Limia e con máis de tres séculos de historia. Trátase dunha oportunidade única para descubrir a fidalguía e a cultura palaciana no rural ourensán. Claudia Cabrera, graduada en Historia, será a encargada de guiar aos visitantes nestas instalacións. A actividade desenvolverase polos blasóns, o pombar, o souto e a capela. Por dentro poderase coñecer o salón, fotografías antigas, e a zona das cabalerizas e a cocheira.

"Estanse corrixindo unha serie de deficiencias e por ese motivo está alí a policía local non para multar a ninguén"

O lugar de encontro para a realización da actividade será o Centro de Interpretación da Lagoa de Antela -fronte a Casa da Cultura do Concello- e as inscricións terán que formalizarse no Concello de Sandiás -988 46 50 01-. A primeira sesión celebrarase entre as 10,00 e as 11.00 horas; a segunda, entre as 12,00 horas e as 14.00 horas; a terceira, entre as 17,00 horas e as 19,00 horas e a cuarta, entre 19,00 e as 21,00 horas.