Xinzo instaura unha hora sen ruido nas festas pola integración

Á iniciativa de Ciudadanos, a Corporación local de Xinzo aprobou a instauración dunha hora -como mínimo- sen ruido durante as festas que se celebren na localidade. O obxectivo será favorecer a inclusión daquelas persoas, nenos e maiores, que padezan algún tipo de dificultade de integración sensorial como pode ser o Trastorno do Espectro Autista ou a derivada dunha parálise cerebral.

O goberno local comprometeuse a promover campañas de sensibilización para facilitar a integración social destas persoas.