Xinzo inviste 70.000 euros en asfaltar rúas e prazas

O Concello de Xinzo de Limia está a proceder ao asfaltado de diversas prazas e rúas da vila, así como noutras zonas do término municipal. Todas estas actuacións están a ser financiadas con unha partida de 70.000 que foi aportada íntegramente pola Deputación provinical.

Unha das aplicacións de nova capa de rodadura máis esperada era a que se está a estender pola explanada que se atopa situada á beira do Pavillón Municipal da vila. Trátase dun espazo empregado de maneira moi habitual por veciños, acompañantes, familias e deportistas.

Ademáis, é un espazo moi empregado durante os días de feira para a acoller a instalación de algúns dos moitos postos de venda que enchen as rúas e prazas de Xinzo de Limia.

Logo desta actuación, e segundo a información facilitada polo goberno municipal, serán varias as rúas que tamén recibirán un novo rego asfáltico, co fin de mellorar o estado no que se atopan actualmente, entre as que se atopan a rúa da Roda e a rúa Río Sil. Para completar a financiación que foi aportada pola Deputación provincial, tamén se procederá ao asfaltado dos accesos ao núcleo poboacional de Gudes.